Fjalë Kyçe

Ndodh mrekullia në aksidentin e tmerrshëm, vetura ndahet përgjysmë- kurse vajzat shpëtojnë për një fije

Ndodh mrekullia në aksidentin e tmerrshëm, vetura ndahet përgjysmë- kurse vajzat shpëtojnë për një fije

Prindërit e tmerruar kanë dalë në vendin e ngjarjes pasi fëmijët e tyre pësuan një aksident të tmerrshëm me makinë në Sydney. Por, një vajzë 17-vjeçare dhe shoferja 21-vjeçarja ia ‘hodhën’ vdekjes duke i mbijetuar mrekullisht aksidentit.

Shoferja grua dhe pasagjeri pasagjerja adoleshente shpëtuan për një fije pasi makina e tyre u nda në dysh kur goditi një shtyllë telegrafi dhe u përfshi nga zjarri të premten rreth orës 8.20.

Pjesëtarët e njësisë së shpëtimit i tërhoqën vajzat nga Mitsubishi Lancer, i cili u gjet i copëtuar tërësisht në udhëkryqin e autostradës Cumberland dhe rrugës Percival në Smithfield, në perëndim të qytetit.

Një nënë u pa që po vinte në vendin e aksidentit dhe qante me ngashërim duke mos besuar që vajza kishte shpëtuar në gjithë atë skenë të tmerrshme.

Ajo u ndihmua nga një punëtor reagimi ndaj emergjencave dhe u largua nga rrënojat.

Më shumë se pesë ambulanca erdhën me dhjetra paramedikë, zjarrfikës dhe punonjës të shpëtimit si dhe policia që dolën në vendngjarje.

Të dy femrat u dërguan me nxitim në spitalin e Liverpulit kurse gjendja e tyre përshkruhet si e qëndrueshme.

Policia tha se makina humbi kontrollin dhe u largua nga rruga përpara se të përplasej me një shtyllë telegrafi, duke shkaktuar dëme të rënda në automjet.

Shoferja 21-vjeçare u trajtua për tronditje nga paramedikët në vendngjarje.

Pasagjeri i saj 17-vjeçar mori trajtim për një hundë të thyer dhe iu nënshtrua egzamimimeve për gjakderdhje të mundshme të brendshme, njoftoi policia për Daily Mail Australia.

Zyrtarët e Komandës së Zonës së Policisë Cumberland po hetojnë rrethanat rreth aksidentit. /Gazeta Alo/