Fjalë Kyçe

Shëndetësia po përplas këto dy subjekte politike

Shëndetësia po përplas këto dy subjekte politike

Deputetët e Lidhjes Demokratike të Kosovës, në një konferencë për media, thanë se sektori i shëndetësisë në Kosovë, është i dështuar dhe në kolaps.

Haxhi Avdyli tha se 2018-ta është vit i dështimeve, i cili kaloi pa asnjë reformë legjislative në këtë sektor.

Sipas tij, pas miratimit të Ligjit të pagave, ka shqetësime te punëtorët shëndetësor e sidomos infermierët, dhe një gjë e tillë po ndikon në ikjen e tyre jashtë shtetit.

E, deputeti Naser Rugova, e ka quajtur Uran Ismailin “ministër të Facebookut”.

Por, këto pretendime i ka kundërshtuar ministri i Shëndetësisë. Ai ka thënë se rastet sikurse çmimi i lartë i barnave kanë ndodhur pikërisht në qeverisjen e LDK-së.

Ndryshe, Ismaili ka thënë se këto akuza janë për inate politike dhe mbulesë e dështimeve të LDK- së në vitet e kaluara.