Fjalë Kyçe

E tmerrshme: Pësoi goditje në tru, nusja shtatzënë vdes pak minuta para se të mbërrinte në altar

E tmerrshme: Pësoi goditje në tru, nusja shtatzënë vdes pak minuta para se të mbërrinte në altar

Një nuse shtatzënë vdiq nga goditja në tru pak minuta para se të mbërrinte në altar.

Jessica Guedes nga Brazili la dhëndrin vetëm me vajzën e tyre të porsalindur me anë të lindjes cezariane.

30-vjeçarja ishte 6 muajshe shtatzënë dhe e shëndetshme, kur filloi të kishte shqetësime në makinë rrugës për në kishë në San Paulo të dielën.

Ajo nuk ishte e vetëdijshme se vuante nga preeklampsia, sëmundje gjatë shtatzënisë që karakterizohet nga presioni i lartë i gjakut.

Truri i 30-vjeçares u shpall i vdekur nga mjekët menjëherë pas mbërritjes në spital.

I fejuari i saj, Flavio Gonçalvez, i cili ishte duke pritur në altar, u befasua nga vonesa.

“U shqetësova sepse po e prisja në altar dhe ajo u vonua. Një kushëriri saj vrapoi drejt altarit për të treguar se ishte e sëmurë në makinë. Shkova, hapa derën e automjetit dhe ajo ishte akoma e vetëdijshme. E nxora nga makina dhe fillova ti jepja ndihmën e parë,”-tha dhëndri 31-vjeçar.

Nëna më pas u dërgua në spital. Sipas raportit mjekësor, nëna pësoi goditje në tru, për shkak të preeklampsisë dhe gjakderdhjes së brendshme, që do të thotë se kirurgët u detyruan ti hiqnin mitrën.

Duke u nisur nga përkeqësimi i gjendjes së saj mjekët bënë lindje cezariane për të shpëtuar jetën e foshnjës, 29 javëshe.

Nëna e re, truri i së cilës ishte shpallur i vdekur, ndërroi jetë pas operacionit.

Sophia lindi 930 gram dhe 34 centimetra dhe ndodhet nën kujdesin e mjekëve.

Ajo raportohet se mund të qëndrojë në spital për 2 muaj.