Zbulohet objekti më i largët në sistemin diellor, apo 140 herë më larg se toka me Diell

Objekti më i largët në sistemin diellor është vërejtur nga shkencëtarët në thellësitë e hapësirës – shumë përtej Plutonit.

Objekti i zbehtë ndodhet rreth 140 herë më larg nga dielli sesa distanca midis yllit tonë dhe Tokës – i njohur si një njësi astronomike (AU).

Ai është quajtur “FarFarOut” nga zbuluesit e saj që e pranojnë se dinë shumë pak për objektin që ata zbuluan aksidentalisht gjatë kërkimit të Planeti X.

Dr Scott Sheppard, një astronom në Institutin e Shkencave Carnegie në Uashington DC, e gjeti objektin derisa po analizonte disa të dhëna, përcjell Gazeta Alo.

Ai thyen rekordin për objektin më të largët në sistemin diellor prej 120 AU (11 miliardë milje) – i cili u quajt Farout dhe gjithashtu u zbulua nga Dr Sheppard në dhjetor.

Rekordin para tyre e mbante planeti xhuxh i quajtur Eris në 96 njësi astronomike. Plutoni, për krahasim, është 34 njësi astronomike larg.

Gjetja u raportua për herë të parë në një bisedë kur po bëheshin kërkime për Planetin X – një planet i nëntë gjigant i cili teorikisht besohet se ekziston përtej Plutonit. Zbulimi u bë në qendrën Carnegie por njoftimi u vonua 24 orë për shkak të borës.

Zbulimi është në fillimet e tij. Kjo shënon zbulimin e fundit nga një projekt hulumtimi dhjetëvjeçar i cili përdor të dhëna nga teleskopët më të fuqishëm optikë në botë./Gazeta Alo/