Fjalë Kyçe

Bahtiri kërkon nga FSK-ja të mos ndalen deri në gjetjen e të riut nën gërmadhat e hotelit

Bahtiri kërkon nga FSK-ja të mos ndalen deri në gjetjen e të riut nën gërmadhat e hotelit

Kryetari i Komunës së Mitrovicës, Agim Bahtiri ka kërkuar nga autoritetet përkatëse që mos ta ndalin kërkimin deri në gjetjen e personit të zënë në gërmadhat e ish hotel ‘Adriatikut’.

Ai ka thënë se është duke e përcjell me vëmendje ngjarjen edhe pse nuk ndodhet në Kosovë.

Ndërkohë ende nuk ka asnjë rezultat nga kërkimet për personin në fjalë.

Postimi i Bahtirit:

Kërkoj nga FSK-ja, ekipi i shpëtimtarëve të Zjarrfikësve, Policia dhe personat tjerë përgjegjës, që për asnjë minutë mos t’i ndalin kërkimet deri në gjetjen e personit të zënë nga gërmadhat e ish hotelit “Adriatiku”.

Edhe pse ndodhem jashtë shtetit për një vizitë tek familja ime, jam duke e përcjellë me vëmendje të plotë aksionin për kërkimin e të riut, ku vazhdimisht jam në kontakt me gjitha organet shtetërore relevante për rastin.

Të lutemi që i riu të gjendet shëndosh e mirë.