Fjalë Kyçe

Becky nga Ambasada Gjermane, korrupsioni po dëmton zhvillimin

Becky nga Ambasada Gjermane, korrupsioni po dëmton zhvillimin

Korrupsioni nuk është dicka abstrakte (e papreksme), por është dicka që dëmton jetën tonë të përditshme dhe zhvillimin tonë.

Në hapjen e ceremonisë në javën kundër korrupsionit të organizuar nga Instituti Demokratik i Kosovës, Anja Becky, sekretare e parë në Ambasadën e Gjermanisë në Kosovë ka theksuar se  korrupsioni nuk është diçka abstrakte, por është diçka që dëmton jetën tonë të përditshme dhe zhvillimin tonë.

“Na gëzon fakti që qytetarët kanë marr pjesë në numër kaq të madh në këtë garë, kanë sjellë idetë e tyre dhe na kanë treguar për pasojat që korrupsioni i shkakton”, ka shtuar ajo, transmeton Gazeta Alo.

Kjo deklarata nga Becky është bërë me rastin e garës së fotografive kundër korrupsionit.

Kurse Shaip Havolli, drejtor i Agjencisë Kundër Korrupsionit në Kosovë, ka thënë se përkundër angazhimit të institucioneve, niveli i korrupisonit është i lartë “Niveli i korrupsionit në vend është i lartë edhe përkundër angazhimeve të institucioneve për zbatim të ligjit në këtë rast edhe të Agjencisë kundër korrupsion. Jemi të mobilizuar që sa më shumë ta luftojmë bashkërisht edhe me institucione të tjera. Shoqëria civile në këtë rast është shumë aktive. Nga shoqëria civile, në këtë rast KDI kemi marrë shumë informacione gjatë këtij viti sa i përket disa situatave që kanë të bëjnë me çështje të konflikt të interesit, çështje në prokurim publik dhe fusha tjera”, ka shtuar ndër të tjera ai.

Ndërsa Florent Spahija, zyrtar ligjor në KDI, ka potencuar se pjesë e pa ndashme e punës së KDI-së çdo ditë është dhënia e këshillave ligjore pa pagesë për qytetarët që duan ta raportojnë korrupsionin, sinjalizuesit e korrupsionit dhe dëshmitarët e korrupsionit. Të drejtat e punëtorëve, integriteti në sistemin e drejtësisë, financimi i subjekteve politike dhe Prokurimi publik janë fushat që KDI është angazhuar vazhdimisht.

“Në këtë ditë, kur po shënojmë Ditën ndërkombëtare kundër korrupsionit i bëjmë thirrje Qeverisë së Kosovës që të shkarkoj ministrat dhe zëvendësministrat me aktakuza […] po ashtu rikthejmë vëmendjen duke kërkuar sërish dorëheqjen e kryeprokurorit të shtetit z. Lumezi. Gjithashtu i bëjmë thirrje prokurorisë dhe policisë që të bashkohen në luftë kundër korrupsionit dhe njëkohësisht gjykatat në dënime më të ashpra për të korruptuarit”, ka shtuar Spahija.

Ndryshe, në garë gjithsej ishin 115 fotografi dhe video, të cilat janë vlerësuar nga juria profesioniste.

Fitues të foto garës janë:
Vendi 1 – Bardha Goga
Vendi 2 -Milot Krasniqi
Vendi 3- Altin Gashi

Fitues të video garës janë:
Vendi 1 -Agon Nimani
Vendi 2 -Florent Kastrati
Vendi 3 – Basri Oruqaj

Këto gara janë zhvilluar në kuadër të aktiviteteve të KDI në Muajin Kundër Korrupsionit dhe mbështeten nga Ministria e Punëve të Jashtme e Gjermanisë dhe Ambasada Gjermane në Kosovë./Gazeta Alo