Dje në rrugën “Afrim Vitia” në Prishtinë janë dëgjuar disa të shtëna me armë, shkruan GazetaAlo.
Policia ka dhënë detaje për rastin ku mbeti i plagosur një person.
Sipas raportit të policisë dyshohet se tre persona kanë shtënë me armë gjersa po vozitnin me veturën e tyre, dhe si pasojë e këtyre të shtënave është plagosur një person në këmbë.
Viktima është dërguar për tretman mjekësor në QKUK.
Në vendin e ngjarjes kanë dalë njësitë policore ku kanë gjetur dhe kanë konfiskuar një gëzhojë të fishekut i kalibrit të vogël.
Është identifikuar dhe është arrestuar i dyshuari mashkull K/Shqiptar i cili ka dorëzuar armën e përdorur në rast e cila është e llojit pistoletë, një karikator dhe dy fishekë.
Me vendim të prokurorit i dyshuari dërgohet në mbajtje./GazetaAlo/