Haradinaj takon Biserkon, thotë se Kosova është model në mbrojtjen e të drejtave të njeriut
Kryeministri i Republikës së Kosovës, Ramush Haradinaj, priti sot në takim kryetaren e Komitetit të Helsinkit në Serbi, Sonja Biserko, si dhe zëvendësen e saj, Izabela Kisiq.
Me këtë rast, Haradinaj i ka njoftuar ato për zhvillimet e fundit, këtë e bën të ditur në faqen e tij zyrtare në Facebook.
Ndër tjerash, Haradinaj ka thënë se Kosova është model për ofrimin e të drejtave të njeriut dhe ka bërë progres të theksuar në drejtim të demokracisë e shoqërisë multietnike.
“Kosova e ka Kushtetutën më të avancuar sa i përket të drejtave të minoriteteve dhe në praktikë, bashkëpunimi me ta është në fazë të avancuar dhe jemi të përkushtuar që kjo të vazhdojë”, tha Haradinaj.
Nga ana e tyre, kryetarja e Komitetit të Helsinkit në Serbi, Sonja Biserko, si dhe zëvendësja e saj, Izabela Kisiq shprehën gatishmërinë e tyre që të bashkëpunojnë më të gjitha institucionet më qëllim mbrojtjen e të drejtave të njeriut.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]