Limaj reagon ndaj Albin Kurtit: Për 15 vjet vetëm i ka sharë të tjerët
Kandidati për kryeministër nga radhët e koalicionit Nisma-AKR-PD, Fatmir Limaj, gjatë një mbledhje me elektoratin e tij në Prizren, ka kritikuar kundërkandidatin e tij, Albin Kurtin duke thënë se Kosova nuk e ka luksin ta bëjë kryeministër dikë që për 15 vjet vetëm ka sharë të tjerët, transmeton Gazeta Metro.
Limaj ka thënë se nuk mund të bëhet kryeministër i Kosovës një njeri që vetëm ka sharë për 15 vite.
“A e ka Kosova luksin që një njeri që kurrë nuk ka pasur punë publike, asnjëherë në jetën e vetë një vendim nuk e ka marrë, të bëhet kryeministër i vendit. Nuk është përvojë pune 15 vjet me nejtë në Parlament e me sha të tjerët”, është shprehur Limaj.
“Nuk ka asgjë më lehtë se të shajë e të flasë për të tjerët, por kur të shkosh në ekzekutiv pritet të marrësh vendime e të kryesh detyra”, ka deklaruar ai.
Limaj ka thënë se çdokush ka të drejtë të konkurrojë për kryeministër të Kosovës, por sipas tij, disa nuk kanë kapacitet të udhëheqin ekzekutivin.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]