Mbetet enigmë se si humbi jetën 52-vjeçari në liqenin e Livoçit të Gjilanit
Ekrem Shkodra nga Gjilani ka humbur jetën në liqenin e Livoçit.
Prokuroria e cilëson si të dyshimtë.
Të shtunën mbrëma, Ekrem Shkodra nga Gavrani i Gjilanit, kishte lënë veturën e tij buze liqenit të Livoçit me dyer të hapura.
Kjo gjë, kishte ngjallur dyshimet tek qytetarët, se dikush mund të kishte përfunduar në liqen.
Prandaj ata, e lajmëruan edhe policinë.
Këta të fundit së bashku me ekipet e zhytjes së FSK-së, dolën në terren, por shkaku i errësirës, i ndërprenë kërkimet.
Ato i vazhduan mëngjesin e së dielës, kur edhe nxorën trupin e pajetë të 52-vjeçarit.
Rastin e kanë konfirmuar edhe në policinë e rajonit të Gjilanit.
Prokuroria e Gjilanit, pas hetimeve fillestare rastin e ka cilësuar si humbje jete e dyshimtë.
Familjarët të tronditur nga rasti nuk kanë pranuar të tregojnë shkaqet që quan 52-vjeçarin të humb jetën në liqen.
Ai ka lënë pas vetës një djalë dhe dy vajza.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]