Rexhep Maloku ka shtënë me armë ndaj djalit të tij 23 vjeçar, ky i fundit është jashtë rrezikut për jetën.
Siç raporton T7, brenda kësaj shtëpie në fshatin Jezerc të Ferizajt gjithçka duket e qetë të martën pasdite.
Por ndryshe ishte në orët hershme të mëngjesit.
Kryefamiljari Rexhep Maloku pas një përleshje e kishte plagos djalin e tij 23 vjeçar, Rrustemin me armë zjarri.
T7 tentoi të flasë me personat që ishin në shtëpi, por ata nuk pranuan të deklarohen para kamerës.
E krismën e armës nuk e kishin dëgjuar as ata që jetojnë afër kësaj shtëpie.
Kushëriri i tyre Xhemajl Maloku u pa emocionuar deri sa tregoi për T7, se si e kuptoj që kishte ndodhur plagosja. Por sipas Malokut kjo familje kishte telashe në mes vete edhe më herët.
E sipas mjekëve të spitalit të Ferizajt gjendja shëndetësore e 23 vjecarit është jashtë rrezikut për jetë.
Me rastin tani po merren edhe organet e rendit derisa kryefamiljari është arrestuar.
E 23 vjeçari po trajtohet në klinikën e ortopedisë në QKUK.
Mjeku Naser Syla, me telefon i ka thënë televizionit se Rrustem Maloku është jashtë rrezikut për jetë, por ende e ka plumbin në këmbën e djathtë.