Fjalë Kyçe

Policia jep detaje për trupin e pajetë, tregon nëse është i Shqipdon Aliajt

Policia jep detaje për trupin e pajetë, tregon nëse është i Shqipdon Aliajt

Policia e Kosovës për Gazetën Express ka thënë se trupi i pajetë që u gjet sot në Gadime dyshohet se është i 23-vjecarit, Shqipdon Aliu, që u zhduk para një jave.

Zëdhënësi i Policisë së Kosovës, Daut Hoxha, tregon se trupi i pajetë u gjet në një gropë para një ore. “Me datën 21.10.2019 rreth orës 21:30,  në fshatin Gadime e Ulët tè Lipjanit, saktësisht në një gropë (te gurthyesi i vjetër), është  gjetur  një  trup i pajetë”, ka thënë Hoxha për Express.

Ai tutje tregon se ekipet e nevojshme policore janë në vendngjarje. “Bazuar ne te dhenat fillestare dyshohet se behet fjale për personin  e raportuar te zhdukur me datën 14 tetor. Kane qene informacionet e qytetareve ato qe kane ndihmuar policinë te gjejnë vendndodhjen e personit, për çka i falënderojmë dhe vlerësojmë  bashkëpunimin e tyre me Policine e Kosovës”, ka thënë Hoxha.