Asambleisti i LDK-së në Komunën e Prishtinës, Shefki Gashi ka thënë se edhe Bërnica edhe Drenasi janë lokacione jo të përshtatshme për ndërtimin e stadiumit të Kosovës.
Gashi, në “Debat Plus” me Ermal Pandurin në RTV Dukagjini, ka thënë se stadiumi i Kosovës duhet të ndërtohet brenda qytetit të Prishtinës e jo në Bernicë apo Drenas.
Ai ka thënë se edhe në Gjermani ka ara me shumicë, por sipas tij ata të gjitha stadiumet i kanë në qytete.
Zyrtari i LDK-së thotë se vendimin për ndërtimin e stadiumit në Bërnicë e ka marrë qeveria e Hashim Thaçit por sipas tij Qeveria e Ramush Haradinajt e ndryshoi, përcjell Telegrafi.