Shtatë persona arrestohen për vjedhjen e kryer në Pejë

Njësiti i hetimeve – Stacioni Policor Pejë, ka njoftuar se pas një pune intensive operativo – hetimore që ka kryer, ka identifikuar të dyshuarit, që më datë 24.09.2019 , gjatë orëve të natës në Pejë kanë vjedhur veturën e tipit ‘Mercedes Benz A200’, me ngjyrë të kuqe, me targa regjistrimi të Kosovës.

PK thotë se sipas viktimës vlera e veturës ishte rreth 27.000 euro. Me datën 19.10.2019, nga ora 06:00 Policia e Kosovës, konkretisht, Stacioni Policor Pejë, në bazë te urdhëresës se Gjykatës Themelore – Pejë , në përkrahje edhe të njësiteve tjera, ka realizuar bastisjen dhe kontrollin e shtëpive të personave të dyshuar në pesë lokacione në komunën e Vushtrrisë.

Gjatë bastisjes janë arrestuar gjashtë persona të dyshuar: Y.K. (1978) Xh.K. (1981) B.H. (1984) A.K. (1976) A.K. (1997) A.M. (1979)

Në shtëpinë e të dyshuarit të parë dhe të dytë, janë gjetur dhe konfiskuar një armë ‘AK47’, një pistoletë dhe 30 fishekë të kal.7.62×39 mm dhe 7.65 mm. Në po të njëjtën shtëpi, është gjetur edhe një jelek anti plumb dhe një peshore për matjen e substancave narkotike.

Për armët e gjetura Stacioni Policor Vushtrri, ka iniciuar rastin ‘’Mbajtje në pronësi, kontrolle të pa autorizuar të armëve’.

Gjatë kontrollimit të shtëpisë së të dyshuarit të gjashtë, është gjetur dhe konfiskuar një sasi e narkotikeve që dyshohet se është e llojit marihuanë dhe rasti do të iniciohet nga njësiti përkatës i antidrogës.

Janë intervistuar të dyshuarit e lartcekur dhe pas intervistimit Prokurori i shtetit të gjithë të dyshuarave ju ka caktuar masën e ndalimit për 48 orë.

Vetura e viktimës është gjetur dhe konfiskuar dhe e njëjta pas ekzaminimit i është kthyer prapa në posedim pronarit legjitim.

Është përpiluar Kallëzimi Penal kundër të dyshuarve dhe është proceduar në Prokurorin Themelore Pejë.