Në 20 vjetorin e Masakrës së Dubravës, të mbijetuarit u kthyen në vendin ku ndodhi ngjarja
Shokët e lanë për të vdekur. Kjo pasi Bedri Kukalaj u plagosë në kokë, këmbë e bark në Masakrën e Dubravës në vitin 1999.
E njëzet vite më pas, burri nga Deçani rrëfen momentin kur u plagos.
Nga burgu i Dubravës, pas katër ditëve nga plagosja, ai ishte dërguar në Beogradi në gjendje të pavetëdijshme, raporton T7.
E kur mbërriti aty, ai iu nënshtrua operacionit.
Por, kjo nuk i ndaloi gardianët serb që të rrahin përsëri Kukalajn kur ai u kthye në burg përsëri.
E rrëfime rrëqethëse si të Kukalaj kanë edhe shumë të tjerë.
Të mbijetuarit e masakrës së Dubravës, po i rrëfejnë njëri-tjetrit ato ditë të vështira.
Ali Bytyqi nga Prizreni atëkohë ishte i burgosur për aktivtetin politik.
Ai tregon momentet e vështira të njëzet viteve më parë.
Në përkujtim të kësaj masakre, gjatë ditës është mbajtur një akademi përkujtimore.
Në 20 vjetorin e masakrës së Dubravës u vendos gurthemeli i një memoriali për këtë ngjarje të tmerrshme.
E në vendin ku ndodhi kjo masakër u pa edhe lideri i Vetëvendosjes, Albin Kurti.
Por, pasi vendosi lule, ai u largua ende pa filluar ceremonia shtetërore.