A po transferohet Coutinho tek Bayern Munich?
Lëvizje të papritura kanë ndodhur në sferën e merkatos, dhe tashmë emri i Philippe Coutinho po lidhet me një kalim të mundshëm tek Bayern Munich.
E ardhmja e Coutinho është në një pikëpyetje të madhe, pasi Barcelona po mendon ta transferojë edhe Neymar JR, ardhja e së cilit do ta ‘digjte’ pozitën e Coutinho.
Ish anëtari i Liverpool nuk arriti të bindte trajnerin Valverde, as tifozët e skuadrës, dhe tashmë nuk është shumë i pëlqyer në ‘Camp Nou’.
Emri i tij lidhej me një transferim të mundshëm tek PSG, si pjesë shkëmbimi për transferimin e Neymar, por raportimet e fundit kanë befasuar duke drejtuar lojtarin drejt Bayern Munich.
‘Goal’ raporton se Coutinho është shumë afër që të kalojë tek skuadra e Bayern, në formë huazimi, transmeton lajmi.net.
Marrëveshja pritet të ketë edhe të drejtën e kampionëve të Bundesliga për blerjen permanente të lojtarit.
Mbetet të shihet nëse raportimet e ‘Goal’ do të jenë të sakta dhe braziliani do të transferohet në Bundesliga.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]