Barça e merr vendimin përfundimtar për Rakiticin
Gjiganti katalunas llogarit në mesfushorin kroat edhe në pjesën e dytë të kampionatit.
Barcelona nuk e ka ndërmend të heq dorë nga Ivan Rakitici në afatin kalimtar të janarit.
Lajmin e ka bërë të ditur e përditshmja spanjolle “Mundo Deportivo”, përcjell Gazeta Express.
Gjiganti katalunas në fakt llogarit në shërbimet e mesfushorit kroat edhe në pjesën e dytë të sezonit.
Ish-futbollisti i Sevillës nuk kishte hapësira në fillim të këtij sezoni dhe e ka shprehur dëshirën për t’u larguar nga Camp Nou.
Mirëpo, duke i pasur parasysh angazhimet e shumta, Barça ka nevojë për bankë të pasur pasi i nevojiten rotacionet e kohëpaskohshme.
Për Rakiticin interesim në Spanjë ka shfaqur Atletico Madridi, ndërsa në Itali e duan Milani e Interi.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]