Portieri i Barcelonës, Neto do të jetë jashtë fushave për pak kohë, pasi ka thyer një kockë në krahun e majtë.
30-vjeçari arriti në Camp Nou nga Valencia këtë verë në një marrëveshje me vlerë prej 26 milionë euro plus bonuse.
Me lëvizjen e Jasper Cillessen në të kundërt, Neto u soll për të siguruar konkurrencë për Marc-Andre ter Stegen, përcjell lajmi.net.
Por Ernesto Valverde ka marrë lajm zhgënjyes pasi braziliani ka pësuar lëndim në seancën stërvitore para ndeshjes me Napolin.
Barcelona njoftoi në faqen e tyre zyrtare se Neto është diagnostikuar me një thyerje të eshtrave skafoid dhe shkalla e dëmtimit do të përcaktohet të hënën.
Raportet në Spanjë sugjerojnë se braziliani, i cili është paraqitur në katër ndeshjet e para sezonit të Barcelonës, ka të ngjarë të humbasë pesë javë në fushë.