Tifozët e Milanit ‘bllokojnë’ qendrën e Prishtinës, në pritje të skuadrës së zemrës
Një numër i madh i tifozëve të Milanit kanë dalë në qendër të Prishtinës për të pritur skuadrën e tyre.
Milan rreth orës 12:30 ka mbërritur në aeroportin ‘Adem Jashari’, dhe menjëherë është nisur drejt Prishtinës.
Shtatë herë kampionët e Evropës do të akomodohen në një hotel në qendër të Prishtinës, dhe në pritje të tyre kanë dalë një numër i madh i tifozëve nga Kosova.
Pavarësisht të nxehtit që po mbretëron në Kosovë, sipas një fotografie të sjellë nga ‘Top Sporti’, shihet se një numër i madh i tifozëve të Milanit, kanë dalë në pritje të skuadrës së tyre të zemrës.
Skuadra e Milanit rreth orës 14:00 do të ketë konferencën për shtyp, për t’u deklaruar para ndeshjes me KF Feronikelin, që sonte nga ora 20:45, zhvillohet në ‘Fadil Vokrri’.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]