Trajneri i Reimsit me fjalë të mëdha për Arbër Zenelin
Arbër Zeneli padyshim është njeriu i momentit në ekipin e Reims.
Fundjavën që lamë pas ishte një ndër më të mirët në fushë, ku në triumfin ndaj Montpellierit në udhëtim, arriti të shënonte dhe golin e parë me fanellën e re.
Për Zenelin, së fundmi ka folur trajneri i tij, David Gio, i cili në një prononcim për “RMC Sport”, është pyetur rreth transferimit të 24-vjeçarit dhe se çfarë e tërhoqi për ta afruar te Reimsi.
“Kampionatin holandez kemi vite që e ndjekim pasi është një kampionat, ku lojtarët ofensivë janë shumë interesant dhe bien shumë në sy. E kemi vëzhguar Zenelin prej kohësh dhe drejtuesit kanë punuar për transferimin e tij dhe kanë krijuar mundësinë për të firmosur në janar, gjë që normalisht na bëri mirë. Gjithashtu, nëse nuk do ta merrnim në janar, në muajin qershor çmimi i tij nuk do të ishte i njëjtë. Tashmë, falë klubit në fazën ofensive jemi të kompletuar”, është shprehur ai.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]