Suspendohet polici i cili dyshohet se bashkë me djalin e tij rrahu një të mitur me aftësi të kufizuar në Kaçanik
Zyrtari policor, Rrahman Mani, është suspenduar nga Policia e Kosovës, pasi që dyshohet se bashkë me djalin e tij, e ka rrahur një të mitur me aftësi të kufizuara në Kaçanik.
Në njoftimin e tyre thuhet se gjatë ditës së sotme ai është suspenduar si dhe janë duke u zhvilluar hetimet nga IPK-ja.
“Policia e Kosovës lidhur me shkrimin e publikuar në portalin Indeksonline të titulluar ”Polici bashkë me djalë e rrahin një të mitur me aftësi të kufizuara në Kaçanik”, njofton opinionin e gjerë se ndaj të njëjtit zyrtar (Rr. M.), stacioni policor në Kaqanik me kohë ka iniciuar procedurat e parapara ligjore, si dhe sipas kompetencës ka njoftuar Inspektoratin Policor të Kosovës. Vlen të potencohet se bazuar në Udhëzimin Administrativ për shkeljet, masat dhe procedurat disiplinore në Policinë e Kosovës, me datë 01.12.2021, zyrtari policor është suspenduar, përderisa hetimet e mëtejme janë duke u zhvilluar nga IPK-ja“, thuhet në njoftimin e PK-së.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]