​​Haradinaj nderon ambasadorin O’ Connell, e quan mik të Kosovës

Kryeministri në largim, Ramush Haradinaj ka organizuar pritjen lamtumirëse për ta nderuar angazhimin e ambasadorit të Mbretërisë së Bashkuar në Kosovë, Ruairi O’Connell.

“Sot në pritjen lamtumirëse të organizuar nga Zyra e Kryeministrit, për ta nderuar angazhimin e Ambasadorit të Mbretërisë së Bashkuar në Kosovë, Ruairi O’Connell, theksova se partneriteti me vendin mik, Mbretërinë e Bashkuar, ka qenë determinues për shumë etapa të shtetndërtimit të Republikës së Kosovës”, ka shkruar Haradinaj.

Postimi i Haradinajt në Facebook:

Sot në pritjen lamtumirëse të organizuar nga Zyra e Kryeministrit, për ta nderuar angazhimin e Ambasadorit të Mbretërisë së Bashkuar në Kosovë, Ruairi O’Connell, theksova se partneriteti me vendin mik, Mbretërinë e Bashkuar, ka qenë determinues për shumë etapa të shtetndërtimit të Republikës së Kosovës. Ambasadorin O’Connell e falënderova për shërbimin nëntë vjeçar në vend, ndër të tjera edhe për pozicionin konsistent të Britanisë së Madhe për ruajtjen e integritetit territorial të vendit, përkrahjen e madhe për transformimin e FSK-së dhe forcimin e qeverisjes së mirë përmes projektit të rekrutimit të pozitave të larta drejtuese të shërbimit civil. Faleminderit dhe suksese në rrugën e mëtejme diplomatike, mik i Kosovës, Ruairi O’ Connell. RH