13 persona humbin jetën derisa po iknin nga policia e cila po kujdesej për masat kundër koronavirusit
Të paktën 13 persona kanë vdekur në Peru si dhe tre të tjerë janë lënduar, në mes të turmës në një klub nate në Lima, kjo pasi frekuentuesit u përpoqën të arratiseshin nga bastisja e policisë në vend, deklaroi Orlando Velasco Mujica, gjeneral i Policisë Kombëtare.
Sipas medieve të huaja, përcjell Telegrafi, policia u thirr në vendin e ngjarjes të shtunën mbrëma, kur edhe u organizua ahengu i paligjshëm, në të cilën morën pjesë më shumë se 120 persona në mes të pandemisë së coronavirusit.
Në mënyrë që të parandalohet përhapja e coronavirusit, autoritetet në vend kanë implementuar masat e distancimit shoqëror, kështu tubimet e mëdha janë të ndaluara, ndërsa nga ora 10 e mbrëmjes zbatohet edhe ora policore.
Sipas një deklarate zyrtare nga Ministria e Brendshme, thuhet se policia nuk kishte përdorur asnjë lloj arme ose gaz lotsjellës kundër njerëzve që morën pjesë në aheng.
“Kur njerëzit filluan të arratiseshin nga policia, ata u përplasën mes shkallëve”, potencuan zyrtarët.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]