Lëndim horror në Premierligë, Son ia thyen këmbën ish lojtarit të Barçës dhe shpërthen në lot!
Andre Gomes do të qëndrojë gjatë jashtë fushave.
Ish-mesfushori i Barcelonës ka pësuar një dëmtim të rëndë në ndeshjen që Evertoni po e zhvillon në shtëpi me Tottenham dhe po humb 0-1, raporton Gazeta Express.
Son Heung-min ndërhyri ashpër në minutën e 78’ ndaj Gomes, duke ia thyer këmbën, çka shtyri gjyqtarin Martin Atkinson ta ndërrojë ngjyrën e kartonit, pasi fillimisht e kishte ndëshkuar me të verdhë.
Ai e ndëshkoi atë me karton të kuq më pas.
Derisa mjeket hyn në fushë dhe për disa minuta mjekuan Gomesin, SOn shpërtheu në lot për lëndimin e rëndë që shkaktoi, derisa shumica e futbollistëve ishin me duar në kokë.