55 aksidente trafiku gjatë 24 orëve të fundit në Kosovë, konfiskohen 34 patentë shoferë

Policia e Kosovës ka njoftuar se gjatë 24 orëve të fundit janë evidentuar 55 aksidente trafiku, ndërsa janë konfiskuar 34 patentë shoferë për shkelje të ndryshme të rregullave të trafikut.

Policia u ka bërë thirrje gjithë shoferëve për vigjilencë e respektim të rregullave.

“Gjatë 24 orëve të kaluara janë evidentuar gjithsej 55 aksidente në trafikun rrugor, Policia e Kosovës me zyrtarët e saj janë duke kryer aktivitete në terren me qëllim që të parandalohen aksidentet rrugore, por edhe janë duke ndërmarrë masa ndëshkuese ndaj atyre personave që nuk respektojnë rregullat dhe shenjat në trafik. Gjatë 24 orëve të kaluara në këtë fushëveprim në nivel vendi janë realizuar 545 pika kontrolli të automjeteve, përderisa 34 shoferëve iu janë konfiskuar patentë shoferë për shkelje të ndryshme të rregullave në trafik. Apelojmë tek të gjithë shoferët, por edhe pjesëmarrësit tjerë në trafik që të jenë vigjilent dhe gjatë pjesëmarrjes në rrugë të respektojnë dispozitat ligjore që burojnë nga ligji mbi trafikun rrugor, në mënyrë që secili të kontribuon në zvogëlimin e statistikave të aksidenteve rrugore”, thuhet nga Policia e Kosovës.