960 bimë kanabis sativa, AK-47, telefona dhe para të gatshmë – çfarë u gjet dje në Perqevë të Klinës

Në orët e para të mëngjesit të së shtunës, në fshatin Perqevë të Klinës, Policia e Kosovës ka hasur në disa persona që përkujdeseshin për bimë narkotike, kanabis sativa, shkruan Gazeta Online Reporteri.net.

Gjatë intervenimit, katër nga të dyshuarit shqiptarë, dhe dy të tjerë kosovar, kanë ikur në një zonë malore dhe ndodhen ende në arrati, ndërsa një të dyshuar kanë arritur ta arrestojnë një shtetas të Shqipërisë.

Në vendin e ngjarjes, policia ka sekuestruar 960 bimë narkotike, një armë AK-47 me 20 fishekë, dy telefona dhe rreth 800 euro.

Mërgimtari godet me veturë policin që ishte me biçikletë, i tërhoqi vërejtjen se po futej në rrugë njëkahëshe
Njoftimi i policisë:

POSEDIM I NARKOTIKËVE&ARMËMBAJTJE PA LEJE

Perqevë, Klinë 10.08.2024, 05:00. Raportohet se Njësi relevante të Policisë së Kosovës kanë hasur në disa persona duke u kujdesur për disa bimë narkotike kanabis sativa. Gjatë intervenimit policor katër nga të dyshuarit meshkuj shqiptar shtetas të Shqipërisë dhe dy meshkuj kosovar kanë ikur në një zonë malore dhe gjenden në arrati, ndërsa njëri nga ta është arrestuar. Në vendin e ngjarjes janë sekuestruar 960 bimë narkotike, një armë AK47 me 20 fishekë, dy telefona dhe para të gatshme 783.20 euro, 350 lekë dhe 20 funta.

I dyshuari i arrestuar mashkull shqiptar shtetas i Shqipërisë pas intervistimit me vendim të prokurorit është dërguar në mbajtje.