Ky është rezultati i miqësores, Kosovë – Turqi
Në kuadër të aktiviteteve për 11-vjetorin e Pavarësisë së Kosovës, sot, në stadiumin “Përparim Thaçi” në Prizren, u zhvillua ndeshja miqësore ndërmjet veteranëve të Kosovës dhe atyre të Turqisë, shkruan GazetaAlo
Kjo ndeshje u ndoq nga një numër i konsiderueshëm i futbolldashësve, derisa të pranishëm ishin edhe presidenti i FFK-së, Agim Ademi dhe ambasadori i Turqisë në Kosovë, Çagri Sakar.
Në ceremoninë para ndeshjes presidenti Ademi shkëmbeu pllaketa dhe fanella me koordinatoren e Ligës së Futbollit të Veteranëve të Turqisë, Fusun Erayla, si dhe me drejtorin teknik, Tanju Çolak.
Ndeshja miqësore përfundoi me rezultat 3:2 në dobi të ekipit të veteranëve të Kosovës. Me këtë rast u tha se aktivitete dhe bashkëpunime të tilla ndërmjet dy vendeve do të ketë edhe në të ardhmen./GazetaAlo
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]