Deklarata e Tahir Lushtakut, pas ndeshjes kundër Gjilanit
Drenica është ndalur me barazim në shtëpi nga Gjilani. Sfida e luajtur në stadiumin ‘Bajram Aliu’ përfundoi pa gola.
Deklarata e trajnerit Tahir Lushtaku pas ndeshjes.
“E nisëm ndeshjen mirë dhe krijuam raste të shumta. Nga ato që kemi kriuar është dashur ta përfundojmë çështjen e fituesit qysh në pjesën e parë. Por, rastet e humbura ishin të pafalshme, sidomos nga sulmuesi Kreshnik Uka, nga i cili presim shumë dhe kur atij i mungojnë golat, i mungojnë edhe Drenicës. Në pjesën e dytë të ndeshjes ekipi i Gjilanit u mbrojt për gjatë gjithë kohës dhe na vështirësoi punët për të organizuar raste më serioze. Megjithatë, jam i kënaqur me angazhimin e futbollsitëve edhe pse ishim futur në këtë ndeshje për ta fituar atë”, deklaroi Lushtaku për SuperSport.
Ai tregon nëse skuadra e tij rrezikohet të bie në barazh.
“Është e vërtetë që nuk jemi larg me pikë nga skuadrat afër zonës së rrezikshme, por unë besoj se jemi të qetë dhe Drenica nuk do të rrezikojë”, përfundoi Lushtaku.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]