Federata e Serbisë reagon për ndeshjen Trepça – Crvena Zvezda
Federata e Futbollit të Serbisë ka reaguar për moszhvillimin e ndeshjes Trepça ilegale – Crvena Zvezda, e vlefshme për raundin e 1/16 të Kupës së Serbisë.
Crvena Zvezda po planifikonte të luante ndeshjen e raundit të 1/16 në kuadër të Kupës së Serbisë kundër Trepçës ilegale në Zveçan.
Por kjo ishte e pamundur pasi forcat policore të Kosovës bllokuan hyrjen e ekipit serb në territorin e Republikës tonë në pikën administrative në Jarinjë, shkruan lajmi.net.
Federata serbe tani ka reaguar duke e zhvendosur ndeshjen në Serbi në ditën e nesërme.
“Ndeshja e fazës 1/16 në Kupën e Serbisë mes Trepçës dhe Crvena Zvezdës do të zhvillohet të enjten, 10 tetor në Qendrën Sportive të FSS-s në Stara Pazovë nga ora 15:00”, thuhet fillimisht në njoftimin e Federatës serbe.
“Hyrja do të jetë falas dhe Federata e Futbollit të Serbisë do ta paguajë koston e plotë të qëndrimit të FC Trepçës”, thuhet më tej.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]