Almeria kërkon ta blejë futbollistin francez Ben Arfa
Futbollisti francez Hatem Ben Arfa është në radar të trajnerit të Almerias, Guti, raporton “Mundo Deportivo” të dielën.
Ish-reprezentuesi i Francës ka qenë pa klub që kur u lirua nga Rennesi në qershor të vitit 2019 dhe është lidhur me një numër të klubeve gjatë afatit kalimtar.
Mirëpo, Ben Arfa ende nuk ka arritur ndonjë marrëveshje, ndonëse është në gjendje t’u bashkohet klubeve si lojtar i lirë edhe jashtë afateve kalimtare.
Almeria ka nisur negociatat me përfaqësuesit e Ben Arfas, ndërsa pritet të firmoset kontrata në javët në vijim.
Legjenda e Realit, Guti ka shijuar një start të fuqishëm si kryetrajner i Almerias, duke pësuar vetëm një humbje në nëntë ndeshjet e para në krye, ndërsa Almeria është ngjitur në pozitën e dytë në Kategorinë e Dytë të Spanjës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]