Përveç shesheve të Prishtinës, bllokohet edhe ‘Fontana’ në Ulpianë
Komuna e Prishtinës ka marrë vendim sot që të ndalojë lëvizjen e qytetarëve nëpër të gjitha sheshet kryesore.
Që nga dita e sotme qytetarët e Prishtinës nuk do të mund të lëvizin shesheve kryesore.
I pari i kryeqytetit, Shpend Ahmeti, ka bërë të ditur se për shkak të sigurisë edhe e kanë marrë një vendim të tillë, pasi që sipas tij, qytetarët po dalin pa nevojë shesheve të Prishtinës.
Mirëpo, një gjë e tillë është vepruar njësoj edhe në lagjen Ulpiana në Prishtinë, përkatësisht në vendin e njohur si “fontana”.
Lexues të lajmi.net, kanë dërguar këtë fotografi në adresën tonë, ku edhe shihet se është vendosur shiriti i policisë i cili ndalon lëvizjen në këtë pjesë.
Theksojmë se “fontana” në Ulpianë është një vend mjaft i frekuentuar e sidomos kur moti është me diell.
Kujtojmë se deri më tani në Kosovë janë 145 persona të prekur me koronavirus, 23 të shëruar dhe tre të vdekur.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]