Humolli paralajmëron: Koronavirusi do të jetë me ne tash e tutje

Koronavirusi tashmë ka arritur efektin e vet në Kosovë dhe gjitha vendet e tjera të botës, nga Organizata Botërore e Shëndetësisë po thonë se COVID-19 duhet ta pranojmë se do të jetë me ne tash e tutje.

Isme Humolli, zyrtare për emergjenca në Organizatën Botërore të Shëndetësisë ka folur për situatën e që ndodhet Kosova dhe bota sa i përket koronavirusit.

Humolli në RTV Dukagjini ka thënë se duhet të mësohemi dhe ta pranojmë se virusi COVID-19 do të jetojë bashkë me njerëzit për një kohë të gjatë.

Zyrtarja nga OBSH ka thënë se ardhja e vaksinës në këtë vit do të ishte një e mirë e madhe për njerëzimin.

“COVID-19 do të jetojë me në një kohë të gjatë por ashpërsia e tij është diçka tjetër. Nëse virusi bën modifikime ashpërsia klinike e tij edhe mund të ashpërsohet”, tha ajo.

Zyrtarja për emergjenca në OBSH ka thënë se është në natyrën e sëmundjes që pas disa muajsh të humb intensitetin por sipas saj edhe stina e verës mund ta ketë një efekt në zbutjen e tij.

Humolli thotë se vala tjetër e COVID-19 mund të paraqitet gjatë stinës së ftohtë kur përqendrimi i njerëzve në ambiente të mbyllura do të jetë më i madh.

“Coronavirusi do të jetë me ne tash e tutje. Ky është një realitet që e ka ndryshua normalitetin tonë por respektimi i masave në vazhdimësi duke evituar ahengjet do ta parandalonte një valë të dytë”, tha Humolli.