Tare: Qeveria s’mund ta ndalë futbollin, lojtarët e mi e festuan rikthimin
Drejtori sportiv i Lazios, Igli Tare, ka thënë se qeveria italiane nuk mund ta ndalojë rikthimin e futbollit dhe ka zbuluar se lojtarët bardhekaltër e kishin festuar lajmin për rikthimin e stërvitjeve.
Qeveria italiane e ka dhënë dritën e gjelbër për rikthimin e stërvitjeve nga sot, por ende nuk dihet se kur mund të rifillojë sezoni në Serie A, transmeton Gazeta Express.
“Dëgjova se një urdhër ligjor për bllokimin e kampionatit mund të merret këtë javë. Por kjo nuk është fusha e veprimit të (qeverisë). FIFA dhe UEFA e kanë thënë qartë se kampionatet duhet të kompletohen”, tha Tare për Sky Skports.
Ai tregoi sesi lojtarët e Lazios kishin festuar kur e kishin dëgjuar lajmin për rikthimin në stërvitje.
“Dje, kur lajmi dekreti i qeverisë u bë publik, të gjithë festuan, sepse mund të fillojmë përsëri”, shtoi ai.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]