Breshri shkakton dëme të mëdha në shumë komuna të Kosovës
Dëme të mëdha ka shkaktuar breshri në komuna të ndryshme të Kosovës gjatë së martës. Kështu, banorët dhe fermerët e fshatrave Zborc, Carralevë dhe Pjetërshticë të Shtimes, kanë treguar për KOHËN se janë dëmtuar me dhjetëra-mijëra euro.
Pos dëmeve në bujqësi, nga breshri kanë pësuar edhe shtëpitë e banimit dhe veturat. Po ashtu, dëme të mëdha në bujqësi janë shkaktuar edhe në fshatin Zborc të Shtimes.
Të dëmtuarit gjatë së mërkurës janë vizituar edhe nga kryetari i kësaj komune, Naim Ismajli, i cili u zotua se këto familje do të mbështeten nga niveli lokal dhe ai qendror.
Ekipet komunale nga departamenti i emergjencës, departamenti i ekonomisë dhe ai i bujqësisë janë duke bërë identifikimin e saktë të dëmeve, ndërkohë që gjatë ditëve në vazhdim do ta dërgojnë raportin e dëmeve në Qeverinë e Kosovës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]