Komuna që kishte dy viktima të koronavirusit, ka një muaj pa raste të reja
Komuna e Pejës ka një muaj që nuk ka asnjë rast të ri me koronavirus.
Deri tani në Kosovë janë testuar mbi 17 mijë persona, ku prej tyre pozitiv kanë rezultuar 1 mijë e 298 persona, me gjithsej 31 raste të vdekjes.
Po ashtu, Komuna e Pejës nuk ka asnjë rast aktiv, përderisa ka shënuar gjithsej 74 raste me koronavirus, ndërsa dy prej tyre kanë vdekur.
Ndryshe, dje në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 280 mostra të marra nga Klinika Infektive dhe gjurmimi i kontakteve të rasteve në terren.
Prej tyre, 29 kanë rezultuar pozitive për COVID-19.
Rastet pozitive janë nga: komuna e Prishtinës 13 raste (sipas vendbanimit: 13 raste Prishtinë), komuna e Obiliqit 8 raste (sipas vendbanimit: 8 raste Milloshevë), komuna e Vushtrrisë 2 raste (sipas vendbanimit: 1 rast Druvar dhe 1 rast Vushtrri) dhe me nga 1 rast vendbanimet: Zhiti-Viti, Lutogllavë-Prizren, Shushicë-Istog, Janjevë-Lipjan, Fushë Kosovë dhe Rahovec.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]