Fenerbahce refuzon ofertën e parë të Lazios për Muriqin
E ardhmja e Vedat Muriqit duket larg Fenerbahces.
Sipas medieve në Turqi, drejtues të Lazios kanë qëndruar së fundi në Stamboll, për të negociuar transferimin e Vedat Muriqit.
Thuhet se Lazio i ka ofruar Fenerbahces një ofertë prej 15 milionë euro për Muriqin, dhe tre milionë tjera do të realizoheshin në formë të bonusesh.
Por, TRT Sport thekson se oferta e parë prej 15 milionë eurosh e Lazios është refuzuar. Përveç Lazios, është edhe Fiorentina që po këmbëngul për Vedat Muriqin, përcjell lajmi.net.
Pas vendosjes së kufirit të shpenzimeve nga TFF për Fenerbahcen, shitja e Muriqit këtë verë sipas medieve në Turqi duket e sigurt.
Muriqi te Fenerbahce është transferuar një vit më parë, dhe në sezonin e parë realizoi 15 gola në 32 paraqitje.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]