Gashi: Specialja bashkëpunoi me Prokurorinë Serbe për krime lufte, ky dokument e dëshmon

Avokati Tomë Gashi ka vënë në pikëpyetje besimin ndaj Gjykatës Speciale, pas rrjedhjes së rreth 4 mijë dosjeve dhe sjelljes në selinë e OVL-UÇK-së mengjesin e djeshëm.

Ai ka pyetur se sa mund t’i besohet kësaj Gjykate, kur ajo ka bashkëpunuar me Prokurorinë Serbisë për krime lufte.

“Sa mund ti besohet Gjykatës Speciale? Organizata e Veteranëve të Luftës së UÇK-së dje e bëri publike se nga një person i panjohur me mask, syza dhe mjekërr, është lënë para dyerëve të zyreve një paketë me rreth 4.000 mijë dosje të Gjykatës Speciale. Nga këto dokumente vërtetohet bashkëpunim i Gjykatës Speciale me Prokurorinë e Serbisë për Krime të Luftës. Dërgimi i paketës nga kushdoçoftë me 4000 dosje, me rreth 1300 fletë të dokumenteve është skandal në vete, se sa mund ti besohet Gjykatës Speciale në Hagë”, ka thënë Gashi përmes një statusi në rrjetin social Facebook.

Gashi thotë se si është e mundur që të dalin nga Gjykata Speciale dokumente kaq të ndjeshme, të cilat sipas OVL-së përmbajn edhe emra të dëshmitarëve, të dëshmitarëve të mbrojtur dhe ndoshta edhe të dëshmitarëve anonim.

“Sot nga OVL e UÇK-së jemi njoftuar se këto dokumente me vërtetim janë marrur nga Prokuroria Speciale në Hagë. Prokurorët e Hagës e kanë detyrë që ta zbulojnë se si arriten këto dokumente para zyreve të OVL të UÇK-së. OVL e UÇK-së, sikurse edhe vete Ushtria Çlirimtare e Kosovës nuk janë nën hetime formale nga Gjykata Speciale!. Sa është i dëmshëm ky veprim i Gjykatës Speciale secili mund ta kuptoj. Ndoshta me këtë dikush don ta vërtetoj “arsyejen” e formimit të Gjykatës Speciale jashtë territorit të Kosovës me arsyetim se në Kosovë nuk mund ti mbrojnë dëshmitarët”, theksoi ai.

Me këtë veprim, sipas Gashit, Gjykata Speciale nuk mundi ta mbroj as vetveten.

“Gjykatës Speciale nuk mund ti besoj askush, pas këtij skandali. Ndërsa sa i përket bashkëpunimit të Gjykatës Speciale me Serbinë, me Prokurorinë e Serbisë kjo nuk është fare risi, këtë e kemi ditur të gjithë, sepse kështu fatkeqësisht kanë vendosur deputetët e Kuvendit të Kosovës më 3 gusht 2015, kur kanë votuar Gjykatën Speciale kundër ne shqiptarëve në përgjithësi, kundë shqiptarëve të Kosovës në veçanti dhe posaçërisht kundër pjesëtareve të UÇK-së”, ka shtuar ai.

Me tutje avokati Tomë Gashi ka thënë se deputetët që e votuan këtë Gjykatë amnistuan krimet serbe deri në gjenocid kundër civile shqiptare në Kosovë.

“Sa është serioze një Gjykatë që “ti dërgon” dokumentet e pastaj ti merr. Disa janë të “sigurt” se këtë e ka organizuar Hashim Thaçi, por kjo nuk është e vërtetë, sepse atij ju pre rruga për në Ëashington më 24.06.2020 pa e nënshkruar marrëveshjen historike me Serbinë, pasi që ai as që e ka ditur se në ditëlindjen e tij Prokurorët amerikan kishin ngritur aktakuzë kundër tij”, ka thënë ai.

Madje, sipas tij, Gjykata Speciale është më tepër e Serbisë se sa e Kosovës!