Nis seanca plenare, për herë të 6-të hidhet në votim Projektligji për Rimëkëmbje Ekonomike

Ka filluar seanca plenare e Kuvendit të Kosovës.

Në këtë seancë parashihet të diskutohen pikat e papërfunduara nga seancat plenare të mbajtura më 7,13,14 gusht dhe 17,18,21,25, e 28 shtator 2020.

Ndër pikat e shumta të cilat kanë mbetur si të papërfunduara është votimi në parim i Projektligjit për Mbrojtjen e Vlerave të Luftës së UÇK-së,transmeton Indeksonline.

Poashtu për herë të gjashtë hidhet në votim rojektligji nr.07/L-016 për Rimëkëmbjen Ekonomike – COVID-19

Rendi i ditës

I.      Pika e papërfunduar nga Seancat plenare, të mbajtura më 7, 13, 14 gusht dhe 17, 18, 21, 25 e 28 shtator 2020:

1.     Votimi në parim i Projektligjit për Mbrojtjen e Vlerave të Luftës së UÇK-së,

• Votimi në parim i Projektligjit nr.07/L-016 për Rimëkëmbjen Ekonomike – COVID-19,
• Votimi i Propozim-rezolutës nga raportimi i Kryeministrit të Republikës së Kosovës,  z. Avdullah Hoti në lidhje me dialogun Kosovë-Serbi,
• Votimi i Propozim-rezolutës nga Interpelanca e ministrit të Ministrisë së Punëve të Brendshme, z. Agim Veliu, sipas kërkesës së deputetes Fatmire Kollçaku, e nënshkruar edhe nga 9 deputetë tjerë nga Grupi Parlamentar i Lëvizjes Vetëvendosje, në lidhje me hyrjen dhe patrullimin e pjesëtarëve të uniformuar të Republikës së Serbisë në territorin e Republikës së Kosovës, përkatësisht në fshatin Karaçevë të Komunës së Kamenicës,
• Votimi në parim i Projektligjit për masat e përkohshme për ta lehtësuar efektin e Pandemisë “COVID-19”.