Drejtoresha e shkollës “Naim Frashëri” në Prishtinë, detyron mësimdhënësit të nënshkruajnë shkresë anti-ligjore

Tashmë dy vjet, në vazhdimësi ka ankesa për punën e Shqipe Vllasaliu- Mehmetit, drejtoreshë e shkollës fillore “Naim Frashëri”, në kryeqytet.

Ankesa për punën e saj kanë shprehur mësimdhënësit e kësaj shkolle, nxënësit dhe Këshilli i prindërve.

Madje disa nga arsimtarët e kësaj shkolle, meqë ankesat e tyre për largimin e saj s’u realizuan kanë dalë edhe në protesta.

Por, e njëjta drejtoreshë, po vazhdon të ushtrojë presion e dhunë psiqike ndaj mësimdhënësve. IndeksOnline mëson se ajo sot, ka shpërndarë një shkresë, e cila është antiligjore, ku e njëjta ka kërkuar nga ata që ta nënshkruajnë këtë dokument.

Madje Vllasaliu-Memeti, këtë gjest e ka bërë duke penguar mësimdhënësit, të cilët ishin duke zhvilluar mësim me nxënësit.

Sipas informative që ka IndeksOnline, po ashtu edhe Inspektorati i Ministrisë së Arsimit ka dërguar dy shkresa në DKA për keqpërdorimin e pozitës zyrtare për rastin e njëjtë.

Gjithashtu IndeksOnline ka raportuar edhe më herët për presionin e vazhdueshëm dhe keqpërdorimin që kjo drejtoreshë bën në detyrën që bën.

Ndryshe, pavarësisht raportimeve dhe këtyre shkeljeve ligjore Komuna e Prishtinës, gjegjësisht Drejtoria e Arsimit, s’ka marrë asnjë hap konkret.