Takianos pas triumfit ndaj Yllit: Lojtarët fituan ndeshjen me zemër, por paraqitja nuk ishte e mirë

Rahoveci ka mposhtur në ndeshjen e parë gjysmëfinale të “Play Off-it” skuadrën Golden Eagle Ylli.

Vreshtarët triumfuan me vetëm tre pikë dallim, 69-66 në ndeshjen e parë të gjysmëfinales, transmeton lajmi.net.Trajneri i Rahovecit, Fotis Takianos foli pas ndeshjes.

“Fillimisht dua ti falënderoj lojtarët dhe skuadrën tone, që në këto rrethana arritën të fitojnë ndeshjen”, tha ai.“Ishte një fitore që ishte nga zemra e tyre, jo përse luajtën ose bënë ndonjë paraqitje fantastike”, shtoi ai.

“Në pjesën e parë i dominuam, si në fazën defansive ashtu edhe ofansive. Por në pjesën e dytë bëmë disa gabime, ne prisnim që ata do të reagonin me agresivitet dhe ashtu bënë”, tha greku.

“Por, ky është “Play Off” dhe nuk bëhet më e lehtë që nga këtu, por jemi të lumtur që fituam ndeshjen në fushën tonë dhe tani duhet ta luajmë ndeshjen tjetër në fushën e tyre”, tha Takianos.“Ne fituam ndeshjen, tani duhet të shohim çfarë do të ndodhë, por nuk duhet ta humbasim topin shumë shpesh siç bëmë sot”, përfundoi Fotis Takianos.