Kongresmeni amerikan harron që ka kamerën e ndezur – tregon se nuk kishte pantallona gjatë një takimi virtual

Kongresmeni amerikan duket se është kapur i veshur me pantallona të shkurtra, gjatë një takimi virtual.

Sipas mediave të huaja, përcjell Telegrafi, republikani Donald Payne, u duk se ishte i pavëmendshëm për faktin se kamera e tij ishte e ndezur gjatë një seance dëgjimore virtuale të Dhomës së Përfaqësuesve të enjten.

Dhe ka qenë një tjetër republikan ai që ka postuar një video të Payne duke u ngritur nga kompjuteri i tij – i veshur me një bluzë dhe ato që dukeshin pantallona të shkurtra.

Another reason Democrats should get off Zoom and back to work. #TheStruggleIsReal pic.twitter.com/92cvxqnEV2

— Congresswoman Beth Van Duyne (@RepBethVanDuyne) June 17, 2021

Payne qëndroi para kamerës me një mes të trupit të ekspozuar përpara se të largohej nga ekrani – pas së cilës kanë ardhur reagimet e të tjerëve.

Videoja duket se është marrë gjatë seancës dëgjimore të Komitetit të Sigurisë Kombëtare.

Por ky nuk është rasti i parë kur ai “kapet në mënyrë të papërshtatshme”.

Payne gjithashtu u duk se ishte kapur duke fjetur gjatë një seance dëgjimore virtuale të Nënkomitetit të Aviacionit të Komitetit të Dhomës për Transportin dhe Infrastrukturën në mars.