Kapi peshkaqenin gjigant në Durrës, kapiteni i anijes: Është i pesti dhe më i rrezikshmi
Një peshkaqen i madh, që peshon 650 kg u kap sot nga peshkatarët e Durrësit, në thellësi të Adriatikut, përballë grykëderdhjes së lumit Buna. Peshkaqeni u kap nga anija “Gerardo”, në një thellësi prej 155 metrash nën ujë.
Kapiteni i anijes, Kapllan Rama ka rrëfyer për Ora News, momentin e kapjes së peshkaqenit gjigant nga peshkatarët. Ai thotë se peshkaqeni po tentonte të shqyente rrjetën dhe se është i pesti peshkaqen që kanë kapur dhe më i rrezikshmi.
“Është i pesti, por ky është me i rrezikshmi. Pasi ngritëm tratat me vinç pamë peshkaqenin që po tentonte të shqyente rrjetën. Me kujdesin më të madh e hodhëm në kuverte këtë përbindësh deti. Pasi e ngritëm në vinç konstatuam se ishte rreth 6.5 m i gjatë dhe me pas se peshonte rreth 650 kg”, shprehet kapiteni për Ora News.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]