Para ndeshjes mori lajmin se i kishte vdekur gjyshi, por luajti 90 minuta – madje Eric Garcia e shpëtoi Barcelonën nga humbja
Mbrojtësi spanjoll i Barcelonës, Eric Garcia pati një ditë të tmerrshme të shtunën, pasi gjyshi i tij u nda nga jeta dhe mori karton të kuq të fund të ndeshjes ndaj Athletic Bilbaos, por në një mënyrë ishte heroi i ekipit të tij.
Barcelona barazoi me rezultat 1-1 në udhëtim te Athletic Bilbao në ndeshjen e javës së dytë në La Liga.
Megjithatë, klubi katalunas mund të humbte në fund nëse mbrojtësi Eric Garcia nuk do të reagonte me një ndërhyrje.
https://youtu.be/7Mth-7TvXkM
Garcia ‘de facto’ ishte hero i Barcelonës pasi ndali nga mbrapa sulmuesin Nico Williams të Bilbaos, i cili po dilte i vetëm me portierin.
Mbrojtësi spanjoll ndërhyri në minutat shtesë nga mbrapa dhe gjyqtari pa u menduar dy herë ia dha kartonin e kuq.
Por, loja deri në minutën e 90-të e Garcias duhet vlerësuar maksimalisht pasi lojtari para ndeshjes mori një lajm shumë të hidhur.
Garcia vendosi ta luante ndeshjen edhe pse e mësoi se gjyshi i tij është ndarë nga jeta para takimit të tij me Bilbaon. /Telegrafi/
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]