Zyrtare: Man. Utd konfirmon rikthimin e Ronaldos

Manchester Unitedi ka konfirmuar rikthimin e Cristiano Ronaldos.

Ylli portugez i është bashkuar Unitedit nga Juventusi.

Ronaldo ka firmosur me Unitedin kontratë dyvjeçare me mundësi vazhdimin edhe për një vit.

“Manchester Unitedi është shyumë i lumtur të konfirmojë transferimin e Cristiano Ronaldos në një kontratë dyvjeçare me mundësi vazhdimi edhe për një vit”, thuhet në faqen zyrtare të Unitedit.

Cristiano Ronaldo 36-vjeçar, fitues i pesëfishtë i “Topit të Artë”, deri më tash ka fituar gjatë karrierës mbi 30 trofe të mëdhenj, përfshirë pesë herë Ligën e Kampionëve, katër herë Botërorin e klubeve, shtatë herë ligën në Angli, Spanjë e Itali, si dhe titullin e Evropës me Portugalinë.

Ai është lojtari i parë që ka fituar liga në tri shtetë të ndryshme, ndërsa ishte golashënuesi më i mirë në Serie A stinorin e kaluar.

Për Manchester Unitedin kishte luajtur nga viti 2003 deri në vitin 2009, kur atëbotë u largua për shifër rekord të botës prej 94 milionë euro, duke iu bashkuar Real Madridit.

“Manchester Unitedi është klub që gjithmonë ka pasur vend të veçantë në zemrën time dhe jam shumë i lumtur me gjitha mesazhet që kam marrë që kur është bërë njoftimi në shtator. Mezi po pres të luajë në ‘Old Traffordin’ e mbushur me tifozë. Po shikoj para t’i bashkohem klubit pas ndeshjeve me përfaqësuese dhe shpresoj të kemi një stinor shumë të suksesshëm”, ka thënë Ronaldo për faqen zyrtare të klubit.

“Nuk ke fjalë të përshkruash Cristianon. Është lojtar i mrekullueshëm, por edhe njeri i madh. Të kesh dëshirë dhe aftësi të luash në nivelin më të lartë për një periudhë aq të gjatë, atëherë duhet vetëm të jesh i veçantë. Nuk kam dyshim se ai do të vazhdojë të na impresionojë gjithë ne dhe përvoja e tij do të jetë vitale për të rinjtë në skuadër. Jam shumë i lumtur me kthimin e tij në shtëpi ku ka nisur çdo gjë”, ka thënë trajneri i Unitedit, Ole Gunnar Solskjaer