“Burri me nëntë shpirtra”: Rrëfimi për britanikun që u shërua ‘mrekullisht’ pas nëntë ditësh në koma për shkak të Covid-19

Një pacient me kancer, gruas së të cilit i thanë se mund të mos zgjohej nga koma në të cilën ishte vënë gjatë trajtimit për Covid-19, nga mjekët është quajtur “një mace me nëntë shpirtra” pasi bëri një shërim të shpejtë.

Sipas mediave të huaja, përcjell Telegrafi, Paul Luttrell, i cili ka kancer të kockave, shkoi në Spitalin Southmead të Bristol më 27 korrik dhe u vendos në gjendje kome.

Gruaja e tij Dalma tha se ishte “shumë e përgatitur për më të keqen”, por 52-vjeçari u zgjua pas 11 ditësh dhe u largua nga spitali një muaj pasi mbërriti atje.

Ajo tha se ishte “e pabesueshme”.

Z. Luttrell, nga Frome, u dërgua në spital pasi infermierët vunë re se ai ishte “shumë keq” dhe iu desh “ta vinin në oksigjen” ndërsa ishte në një vizitë rutinore të dializës.

“Ata më vunë në koma të detyruar për 11 ditë dhe më është dashur një javë që të zgjohem plotësisht”, tha ai.

“Kur u zgjova, i kërkova mjekëve të thërrisnin Dalman”.

“Ata nuk mund ta besonin”.

Zonja Luttrell tha se pas bisedave me mjekët e burrit të saj, ajo ishte “përgatitur shumë për më të keqen”.

Ajo gjithashtu tha se ekipi mjekësor e kishte paralajmëruar se ndërsa ishte në koma, ndoshta do të kishte nevojë për një kohë të gjatë shërimi nëse do të mbijetonte.

Sidoqoftë, brenda dy javësh, ajo tha se “kishte një telefonatë nga ai”, duke shtuar: “Ishte e pabesueshme”.

Zoti Luttrell, i cili ishte vaksinuar dy herë, tha se megjithëse kishte parë ëndrra të qarta ndërsa ishte në koma, pasi u zgjua, ai mund të ecë “shkallët e mia në shtëpi për të shkuar në dializë” brenda një jave.

Ai u kthye në shtëpi më 26 gusht.

“Hematologu dhe mjekët e mi thanë se isha një mace me nëntë shpirtra”, tha ai.

Sidoqoftë, ai tha se ndihej me fat që ishte gjallë dhe ishte i shqetësuar se “njerëzit ende nuk e marrin seriozisht [coronavirusin]”.

“Vaksinohuni”, tha ai, duke shtuar: “Covid-19 është shumë i vërtetë”.