Ibrahimovic: “Mbappe më kujton Ronaldon, Haaland dëshiron vetëm të shënojë gola”
Zlatan Ibrahimovic ka lavdëruar dy të rinjtë premtues në botën e futbollit, Erling Haaland dhe Kylian Mbappen.
Duke folur për CBS Sports, Ibrahimovic tha: “Si sulmues, mund të flas më shumë për sulmues dhe më pëlqejnë dy lojtarë që i parashikojnë gjërat para se të ndodhin. Mbappe më kujton Ronaldon, Fenomenin… është shumë elegant në lojën e tij”.
Sa i përket, Haalandit, ai shtoi: “Ka lojtarë që mendojnë se janë në gjendje të bëjnë më shumë se që po bëjnë, kjo nuk është inteligjencë. Në Haaland shoh shumë zgjuarsi, ai e di se mund të shënojë gola, dhe vetëm po përpiqet ta bëjë këtë”, përcjell express.
Mbappe dhe Haaland shihen si rivalët e njëri tjetrit në botën e futbollit në të ardhmen, kur t’i varin atletet Lionel Messi dhe Cristiano Ronaldo, të cilët tashmë janë në fundin e karrierës së tyre.
Mbappe këtë sezon numëron 13 gola në 23 paraqitje, në anën tjetër Haaland është i frikshëm me 19 gola në 15 paraqitje.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]