Real Madridi merr vetëm një pikë në udhëtim te Villarreal

Villarreal dhe Real Madridi kanë ndarë pikët pas barazimit 0-0 në kuadër të javës së 24-të në La Liga.

Pjesa e parë i takoi Villarrealit, që kishte raste më të mira.

Në minutën e 6-të, Samuel Chukwueze, ishte i pari që rrezikoi, duke kaluar dy mbrojtës, por goditja e tij u ndal nga Thibaut Courtois.

Pas tij ishte radha e Alberto Morenos në minutën e 18-të, por as ky nuk arriti të shënonte.

Rastin e fundit në fraksionin e parë e kishte Arnaut Danjuma, por sërish goditja e ndal nga Courtois.

2⃣ We are back for part 2! VAMOS!
▶️ @VillarrealCFen 0-0 @realmadriden
💻 https://t.co/rMzLj0febk…#VillarrealRealMadrid pic.twitter.com/CjFvxlurko

— Real Madrid C.F. 🇬🇧🇺🇸 (@realmadriden) February 12, 2022

Në pjesën e dytë Real Madridi kishte raste më të mira, duke nisur nga ai i Gareth Bale në minutën e 56-të.

Pas dy minutash provoi edhe Vinicius Junior, por as ky nuk arriti të shënonte, transmeton telegrafi.

Në minutën e 64-të, sërish Bale rrezikoi, por Geromino Rulli ishte në vend.

Fundi i lojës ishte më i qetës, pasi të dy skuadrat nuk prodhuan raste për tu përmendur.

🏁 FT: @VillarrealCFen 0-0 @realmadriden #VillarrealRealMadrid | #Emirates pic.twitter.com/iKDPBviOfu

— Real Madrid C.F. 🇬🇧🇺🇸 (@realmadriden) February 12, 2022

Me këtë barazim Real Madridi mbetet lider me 54 pikë, katër më shumë se Sevilla që është ndjekësi i parë.