Arsenali pas Armando Brojës, i cili po e mahnit Premierligën

Arsenali është duke e vëzhguar Armando Brojën para afatit kalimtar të verës, pasi dështoi t’i arrijë synimet për përforcimin e sulmit në janar.

Sulmuesi i Shqipërisë Broja është duke mahnitur me lojën e tij në sezonin e tij të parë në Premierligë për Southamptonin dhe ka rënë në sytë e drejtuesve të Arsenalit.

Topçinjtë dështuan ta përforcojnë skuadrën në janar, pavarësisht se u përpoqën shumë për ta blerë Dusan Vlahovicin nga Fiorentina, i cili në fund të afatit kalimtar zgjodhi t’i bashkohet Juventusit.

Pierre-Emerick Aubameyang u largua nga klubi me pajtim dypalësh, derisa për dyshen Alexandre Lacazette and Eddie Nketiah thuhet se do të largohen në verë kur edhe iu skadojnë kontratat me klubin, transmeton express.

Broja, 20-vjeçar, ka mahnitur për Southamptonin – ku është i huazuar nga Chelsea – këtë sezon.

Ai i ka shënuar 7 gola në të gjitha garat për Southamptonin dhe vlerësohet shumë nga trajneri i Arsenalit Mikel Arteta.

Arsenali do të kërkojë ta blejë patjetër një sulmues të ri në verë dhe Broja mund të jetë ai.