Alarmohet Madridi, Messi e Mbappe spektakël në ‘Parc des Princes’ – PSG mposht St Etienne

Lionel Messi e Kylian Mbappe kanë dhuruar spektakël në ‘Parc des Princes’, kundër St.Etienne.

Paris Saint Germain ka shënuar fitore të lehtë kundër St.Etienne, me rezultatin 3:1, shkruan lajmi.net.

Messi e Mbappe u përkujdesën që në ‘Parc des Princes’ t’i japin tri pikë skuadrës së tyre.

Bouanga kaloi mysafirët në epërsi në minutën e 16’, por presioni i madh i vendasve shkriu këtë epërsi.

Lionel Messi bëri një asistim brilant në minutën e 42’, kur Kylian Mbappe dërgoi topin në rrjetë për 1:1.

I njëjti kombinim doli në skenë edhe në minutën e 47’, përsëri me Messi si asistues e Mbappe shënues.

Mbappe bëri edhe asistuesin në këtë ndeshje, kur në minutën e 52’ dha një super pasim për Danilo që dërgoi topin në rrjetë, me një goditje me kokë.

PSG shkon tashmë në 62 pikë për pozitën e parë në Ligue 1, kurse St.Etienne mbetet me 22 pikë në pozitën e 16.

Paraqitja e PSG alarmon skuadrën e Real Madrid, që në Champions League do të luajë ndeshjen e kthimit ndaj PSG. Francezët gëzojnë epërsi minimale ndaj madrilenëve pas ndeshjes së parë.