Agim Ademi e nderon me mirënjohje axhën e Fadil Vokrrit

Presidenti i Federatës së Futbollit të Kosovës Agim Ademi, e ka vizituar trajnerin Selatin Vokrri, me rastin e gjashtëvjetorit të pranimit të Kosovës në UEFA.

Ademi e nderoi Vokrrin me mirënjohje për kontributin e dhënë në futbollin kosovar, veçmas gjatë kohës së okupimit.

“Presidenti Agim Ademi në shoqëri të anëtarëve të KE të FFK-së, Agim Nura e Mirsad Çollaku, me rastin e 6-vjetorit të anëtarësimti të Kosovës në UEFA, e kanë vizituar sot në shtëpinë e tij ish-futbollistin dhe trajnerin e mirënjohur Selatin Vokrri, i cili së fundmi ishte në gjendje jo të mirë shëndetësore. Kreu i FFK-së i shprehu mirënjohjen z. Vokrri për kontributin e tij gjatë periudhave të ndryshme në futbollin e Kosovës, qysh nga koha e tij si futbollist e deri në periudhën e zhvillimit të futbollit të pavarur, e që në fund rezultoi me realizimin e objektivit për anëtarësim në UEFA. I pari i FFK-së theksoi se personalitetet e tilla kanë kontribut të jashtëzakonshëm në rrugëtimin e futbollit tonë, veçmas në kohën e okupimit. Në anën tjetër, Selatin Vokrri e vlerësoi përkushtimin e kreut të FFK-së për punë dhe për respektin që u bënë gjeneratave që kanë kontribuar në periudha të ndryshme për mbajtjen gjallë të futbollit të Kosovës, edhe atëherë kur nuk kishte as kushte elementare për lojë. Gjatë kësaj vizite u revokuan edhe kujtime të futbollit që nga periudha kur Selatin Vokrri ishte futbollist e deri më sot, derisa në fund presidenti Ademi në emër të FFK-së e nderoi atë me mirënjohje dhe me një dhuratë për këtë datë të shënuar, si dhe i dëshiroi shëndet të mirë në vazhdim”, njofton Federata e Futbollit të Kosovës përcjell Klankosova.tv.

Ish-futbollisti dhe ish-trajneri Selatin Vokrri, është axha i legjendës së futbollit të Kosovës Fadil Vokrri.